All India Football Federation hnuaia India team-a khel tura koh zingah Mizo hming a lang ngun ve ta hle. Hei, India under 17 team tur an thlang leh dawn a, AIFF chuan Mizo player 10 ngawt mai an ko a, player 70 koh zingah Mizoram chu state mala thawh hnem ber a ni.
Player kohte hi nikum lama National Under 16 Football Championship-a champion team a mi kha an ni deuh vek a, hemi hma kuma kal tawh player pathum koh tel an ni bawk. State dang atang pawhin player hi an ko nual a, mi 70 vel an thlan chhuah atang hian India team tur an thlang chhuak leh dawn a, Mizo an awm ngei a beiseiawm.
Under 16 Champion team manager Francis Paul chuan, "Kan naute an rawm thlang nual mai hi kan lawm em em a, kan champion zawh tawh hnuah hlawhtlinna dang kan dawn blehah kan ngai. Nimahsela hlawhtlinna tak tak a la ni lo a, India team-a trial tur an la ni chauh a, thlan tlin an nih hma chuan lawm a la kim tak tak lo a, engzat nge an paih dawn pawh kan hre lo, beiseina chu kan nei sang khawp mai," a ti. (Courtesy Vanglaini)
No comments:
Post a Comment